Sumqayıtda yeni təşkilatın təsis yığıncağı keçirilib.

Sumqayit.tv bu haqda 25 iyul tarixində AZƏRTAC-a istinadən xəbər verir.

Söhbət Azərbaycan Jurnalistlər Birliyinin (AJB) Şərqi Zəngəzur Regional Təşkilatından gedir. O, öz sırasında Qubadlı, Kəlbəcər, Laçın, Zəngilan və Cəbrayıl rayonlarında fəaliyyət göstərən jurnalistləri birləşdirəcək. Sədr vəzifəsinə Qubadlı Rayon İcra Hakimiyyətinin mətbuat orqanı olan “Bərgüşad” qəzetinin baş redaktoru Qafqaz Dəmirov təyin edilib.

Regional təşkilatın təsis olunmasında əsas məqsəd işğaldan azad olunan ərazilərdə yaşayıb fəaliyyət göstərəcək jurnalistlərin koordinasiyasını yaratmaqdır. Həmçinin sadalanan rayonlarda bölmələrin yaradılması nəzərdə tutulur. Artıq təsis olunmuş Kəlbəcər bölməsinə AYB və AJB üzvü, “Manevr.az” Media Qrupunun rəhbəri Namiq Dəlidağlı sədr seçilib.