2022-2023-cü tədris ilində Sumqayıt şəhər 20 nömrəli tam orta məktəb müvəqqəti olaraq Sumqayıt şəhər 14 nömrəli məktəbin filialı kimi fəaliyyətə başlayacaq.
Sumqayit.tv Xeberle.com-a istinadən xəbər verir ki, bu barədə Abşeron - Xızı Regional Təhsil İdarəsi məlumat yayıb. Bildirilib ki, yeni dərs ilinin başlaması ilə əlaqədar məktəbin I-IX siniflərinə şagird qəbulu həyata keçirilir.
I siniflərə qəbul www.mektebeqebul.edu.az elektron portalı vasitəsilə, II-IX siniflərə qəbul isə sy.edu.az "Şagird yerdəyişməsi” sistemi vasitəsilə aparılır.
Məktəb 2021-ci ildə Heydər Əliyev Fondu tərəfindən inşa olunub. 720 şagird yerlik olan təhsil müəssisəsi üç mərtəbə və 42 sinif otağından ibarətdir. Məktəbdə informatika otaqları, hərbi hazırlıq, fənn laboratoriyaları yaradılıb, əyani vəsait və tədris avadanlığı ilə təchiz olunub.
29-07-2022, 20:31
331
.jpg)
