Bu il Məhərrəm ayının 10-cu, yəni Aşura günü avqustun 8-nə təsadüf edib. 

Sumqayit.tv olaraq Aşura gününün Sumqayıtda necə keçirilmisinin şahidi olmaq üçün 6-cı mkr Cümə məscidinə yollandıq. Minlərlə insanın iştirak etdiyi mərasimdə Vətən şəhidləri müxtəlif mərsiyələrlə yad edilib. 

Məhərrəm ayında əzadarlıq mərasimləri İslam peyğəmbəri Məhəmməd əleyhissalamın nəvəsi İmam Hüseyn əleyhissalamın, onun ailə üzvləri və tərəfdarlarının şəhid olması ilə əlaqədar keçirilir. Onlar hicri-qəməri təqvimi ilə 61-ci ildə Kərbəlada şəhid ediliblər. Aşura günü İmam Hüseyn əleyhissəlamın ailəsi və səhabələri ilə birlikdə haqq uğrunda şəhadətə yetişdiyi gün kimi İslam tarixinə faciəvi, eyni zamanda qürurverici hadisə kimi daxil olub. İmam Hüseyn əleyhissalamın xatirəsinin, Kərbəla müsibətinin nəsillərin yaddaşında yaşadılması imanın, əqidəyə sadiqliyin, Vətən, torpaq naminə şəhidlik məktəbinin ən bariz nümunəsi və əbədi təcəssümüdür. Allah rəhmət eləsin.