Sumqayıt şəhərində yerləşən Təbiət Elmləri Təmayüllü Gimnaziyanın şagirdi Ağayev Bəxtiyar Maarif oğlu beynəlxalq və respublika səviyyəli uğurları ilə diqqət çəkir.

2009-cu il avqustun 6-da anadan olan Bəxtiyar məktəb illərindən fizika və astronomiya sahəsində yüksək nəticələr əldə edib. O, Respublika Fənn Olimpiadalarında fizika fənni üzrə 3 qızıl və 1 gümüş medal, astronomiya üzrə isə 1 qızıl və 1 gümüş medal qazanıb.

Bəxtiyar eyni zamanda beynəlxalq arenada da uğurla çıxış edib. O, Yeniyetmələrin Beynəlxalq Elm Olimpiadasında (IJSO) bürünc medal, Asiya Fizika Olimpiadasında (APhO) isə həvəsləndirici mükafat əldə edib.

Buraxılış imtahanlarında repetitor dəstəyi olmadan yüksək nəticə göstərən şagird 9-cu sinifdə 297 bal, 11-ci sinifdə isə 285 bal toplayıb.

Qeyd edək ki, Bəxtiyar dünyanın nüfuzlu ali təhsil ocaqlarından olan University College London (UCL), University of Edinburgh və King’s College London universitetlərindən qəbul alıb.

3-05-2026, 15:47 451