İnsan yaşadıqları ilə deyil, yaşatdıqları ilə tarixə düşəcək deyirlər. İbrahim İbrahimov məhz belə insanlardandır. Sambo üzrə SSR-i idman ustası, Azərbaycan Respublikasının əməkdar məşqiçisi Bədən Tərbiyəsi və İdman Xadimi, Şöhrət Ordeni, Vətənə Xidmət Ordeni, Tərəqqi medalı, Prezidentin fərdi təqaüdçüsü və.s titulları olan İbrahim müəllim,  əslən Karvansaray (İcevan) rayonunun Haqqıxlı kəndində dünyaya göz açıb.

65 illik ömrünün  böyük hissəsini Azərbaycan övladlarının sağlam həyat yaşamasına həsr edən İbrahim müəllim, bu gün də öz missiyasını davam etdirməkdədir.  O hal-hazırda Paralimpiyanın cüdö növü üzrə Azərbaycan Respublikasının baş məşqiçisi kimi fəaliyyət gösrətir. 

Onun yetirmələri arasında saysız-hesabsız olimpiya, dünya və avropa çempionları var. Cüdo üzrə II qat Paralimpiya çempionu İlham Zəkiyev, Tofiq Məmmədov, Ramil İbrahimov, Ramil Qasımov, Vüqar Şirinli, Hüseyin Rəhimli, Bayram Mustafayev, Rövşən Səfərov, Namiq Abbaslı kimi çempion və mükafatçıların adını çəkməklə, bu əzizimizin dövlətimiz üçün nə qədər böyük işlər gördüyünü göz önünüə gətirmək olar. Bu nailiyyətlərə baxarkən birmənalı olaraq söyləmək olar ki, İbrahim müəllim artıq,  təkcə Qərbi Azərbaycanlı deyil. O həm də Bütöv Azərbaycanın  hətta, türk dünyasının fəxarətli oğludur.

Əzizimiz İbrahim müəllim!

Sizin nailiyyətlərinizə baxdıqca əmin oluruq ki, siz xəyal ediləcək işləri reallığa çevirməklə müqəddəs adınızı gələcəyə daşıya bilmisiniz!  Ümid sandığınız  hər zaman işıq saçsın Azərbaycanın fəxri! Doğum gününz mübarək!

Hörmətlə, Qərbi Azərbaycan İcması Sumqayıt nümayəndəliyinin rəhbəri Ramiz İsmayılov

5-05-2024, 18:38 893